پیرۆزبایی و رەخنە

ئەمڕۆ 14/3/2007 هەڤالی بەڕێز مام جەلال گەرایەوە کوردستان و لە شاری سلێمانی لەلایەن سەدان هەزار لەدۆستانو لایەن گرانی ی ن ک وە پێشوازیەکی گەرمی لێکرا ، دەتوانین بڵێن ماوەی چەند ساڵێکە بەو شێوەیە جەماوەر لەدەوری سەرکردەیەکی سیاسی یان حزبێک کۆ نەبۆتەوە بە هۆی بێزاری خەڵک لە بڵاو بوونەوەو تەشەنەکردنی دیاردەی گەندەڵیو کەمی خزمەتگووزاریو کەمی پێداوەستیە سەرەکیەکانی خەڵک لە سووتەمەنیو کارەباو زۆری شتی تر . ئەم کۆبوونەوە جەماوەریە فراوانەی ئەمرۆ دەری دەخا کە گەلی کورد لە کاتی پێویستیو پەرۆشی بۆ سەرکردەیەکی مێژویی گەورەی وەک مام جەلال ئامادەیە هەموو رقێکو تورەییەک بەلاوە بنێو جارێکی تر پشتوو پەنای ی ن ک بێ . بەم بۆنەوە ئێمە پیرۆزبایی لە تەواوی میلەتی کوردو گەلانی عێراق دەکەین وە هیوای تەمەنێکی درێژ بۆ هەڤالی بەرێز مام جەلال دەخوازین لە هەمان کاتدا داواکارین لە سەرکردایەتی ی ن ک کە هەرچی دەکرێ لە هەوڵو تێکۆشان لە پێناوی خزمەت گەیاندن بە گەلو بن بڕ کردنی دیاردەی گەندەڵی درێخی نەکەنو هەوڵەکانیان لەم پێناوەدا چڕتر بکەنەوە. کوورد ئامادەیە خۆشەویسترین شت لەژیانی خۆیدا پێشکەش بە سەرکردەکانی بکات، با ئێمەش لە ئاست گەورەییو دڵسۆزی ئاواندابین. 

     نەخۆشی مام جەلال راستیەکی بۆ دۆستو دوژمن سەلماند کە سەرکردایەتی کورد بەتایبەتی کەسی مام جالال خاوەنی پێگەیەکی جەماوەری زۆر مەزنە بە پێچەوانەی تەپڵی دڕاوی ئەوانەی پێیان وایە دەوری سەرکردایەتی کورد تەواو، ئیتر دەبێ بنەو بارگە بپێچنەوەو گۆرەپان چۆل کەن ، گەورەترین راپرسی ئەو رێورەسمانەی کەلە چەند رۆژی رابردووی گەلی کوردە لە ناوچە جیا جیاکانی کوردستان بە شێوازی جیا جیا کە ئەو خەڵکە هەستوو سۆزی خۆی بەرامبەر بە نەخۆشی مام جەلالو چاک بوونەوەی دەربری

   ئێمە لە نوێنەرایەتی مەخمووری رێکخراوە دیموکراتیەکانی ی ن ک زۆر دڵ خۆشین بە سەلامەتیو گەرانەوەی هەڤالی بەرێز مام جەلال هیوای تەمەن درێژی بۆ دەخوازین . ئێمە تێدەگەین کە بوونی سەرکردەیێکی وەک هەڤال مام جەلال بۆ سەقامگیریو ئارامی لە عیراقو رۆژهەلاتی ناوەراستو کوردستان چەند گرنگە

                                                   نوێنەرایەتی مەخمووری

                                          رێکخراوە دیموکراتیەکانی ی ن ک

                                                               6/3/2007

بەبۆنەی 16سالەی راپەڕین

یانەی وەرزشی قەرەچووغ ماراسۆنێک بۆ 20 وەرزشوان رێک خست

  ئەمرۆ 5/3/2007 یانەی وەرزشی قەرەچووغ بەبۆنەی 16ساڵەی راپەرین ماراسۆنێکی بۆ 20 وەرزشوانی مەخموور رێکخست کە لە بازاڕگەوە دەستی پێ کرد بۆ بەردەم کۆمەتەی رێکخستنی مەخموور لەئەنجامدا یاریزان زیاد فاتە توانی پلەی یەکەم بەدەست بێنێ ، پاشان لەلایان ژمارەیەک لەئامادەبوان دیاری بەسەر سەرکەوتووەکان دابەش کرا.

دەستەی ئامادەکاریگروپی پەرەپێدانی مەخموور

یەکەمین دانیشتنی خۆی رێکخست

دوێنێ  27/2/2007کاتژمێر 4ی دوای نیوەڕۆ دەستەی ئامادەکاری گروپی پەرەپێدانی مەخموور لەیەکەمین دانیشتنی خۆیدا کە لەسەنتەری رۆشنبیری قەرەچووغ بەرێوە چوو پاش گفتوگۆیەکی تێروتەسەل لەسەر بارودۆخی مەخموور لەبوواری رۆشنبیری و خزمەتگووزاری( کە بێزاریەکی زۆر لای خەلک تەشەنەی کردووە بە هۆی کەمتەرخەمی دەسەلات لە ئاوردانەوە لە باری دواکەوتویی شارۆچکەی مەخموور)بڕیاردرا کە ئامادەکاری بکرێ بۆ کۆبوونەوەێیکی فراوانی بەشێکی زۆر لەکەسایەتی و خەڵکی رۆشنبیری دەڤەرەکە بۆ ئەوەی ببێتە کارتی فشار لەسەر دەسەلآت چیتر ئەم شارە بەو شێوەیە فەرامۆش نەکرێ . ئەوەی شیاوی باسە پێشتر لەکۆبوونەوەی ژمارەیاک خەڵی رۆشنبیر دەستەی ئامادەکار پێک هات کە ئەم بەرێزانە بوون 

موحسن شوانی

قادر عومەر

سالار سیامەند

سادرەدین قەراجی

غازی جەعفەر

هێمن سابر

لە پێناو بوژانەوەی بواری مۆسیقا و گۆرانی و سەرلەنوێ رێکخستنەوەی (تیپی مۆسیقای قەرەچووغ) ،رۆژی 18/2/2007 ، کاتژمێر (4) ی ئێوارە ، لە( بنکەی وەرزش و لاوانی مەخموور) ،بە بەشداری (24) دەنگدەر ، ( تیپی مۆسیقای قەرەچووغ ) ، لە دوای (20) ساڵ دامەزراندنی ، لە کەشێکی دیموکراتی و لەباردا ، دەستەیەکی نوێی بۆ بەڕێوەبردنی کار و چالاکییەکانی تیپ هەڵبژارد،سەرەتا ئەم هونەرمەندانە خۆیان پاڵاوت :

1- محسن عثمان حامد.

 2- سلێمان عەلی ئەسعەد.

 3- یوسف خالید وەیسی .

4- یونس عەلی شەریف

5- نزار جەمیل محمدعلی               

6-ئەیوب محمد سلطان .

7-عدنان حسن ئەحمەد .

8- ریاظ صدیق عەبدوڵڵا.

9-  سالار خدر پیرداود .

10- سازگار محمد قادر .

پاشان لە پرۆسەکەدا (5) هونەرمەند بەم ناوانە بۆ دەستەی بەڕێوەبەر دەرچوون :

1- یوسف خالید وەیسی .                  سەرۆکی تیپ                (19) دەنگ .

2- سالار خدر پیرداود .                   بەرپرسی راگەیاندن         (17) دەنگ .

3-  محسن عثمان حامد                   بەرپرسی هونەریی           (15) دەنگ. 

4- نزار جەمیل محمدعلی                بەرپرسی پەیوەندییەکان    (15) دەنگ .

5- سلێمان عەلی ئەسعەد              بەرپرسی کارگێڕیی و دارایی (13)  دەنگ .

شایانی باسە لیژنەی سەرپەرشتیی کۆبوونەوە و هەڵبژاردنەکە لە لایەن ئەم هونەرمەندانە بەڕێوەچوو : 1- جەمال جەمیل . 2- جەمیل سنجاوی . 3- بایەزید رەحمان